असार २, २०८०
जुनकिरी खबर

इटहरीमा जेसीजको ‘मास्टर टट’ सुरु

नेपाल जेसीजको आयोजना तथा तरहरा जेसीजको आतिथ्यतामा इटहरीमा मास्टर टट कार्यक्रम सुरु भएको छ । शुक्रबार इटहरीको सोल्टी वेस्टेण्ड होटलमा जेसीजको मास्टर टट कार्यक्रमको उद्घाटन गरिएको छ ।

इटहरी उपमहानगरपालिकाका मेयर हेमकर्ण पौडेलले उद्घाटन गर्दै जेसीजमा सकारात्मक युवाहरूको संख्या रहेकाले आँफू जेसीजका कार्यक्रममा सहभागी हुने बताए ।

‘शारीरिक, मानसिक, चेतनशील र वैचारिक हिसाबमा अब्बल युवाहरूको संख्या जेसीजमा छ,’ पौडेलले भने, ‘जेसीजले भोलिको दिनमा नेतृत्व लिन सक्ने क्षमता उत्पादन गर्ने विश्वास लिएको छु, मलाई यो पुस्ताप्रति भरोसा छ ।’

उनले जेसीजमा आवद्व युवाहरूले सामाजिक सञ्जालमा हेरेर धारणा निर्माण नगर्ने र आँफूले अहिले नीतिगत काम गरिरहेको बताए ।