कोशी प्रदेश सरकार गठनविरुद्ध सर्वोच्च अदालतमा परेको रिट आइतबार हेर्न नभ्याइने सूचीमा परेको छ । न्यायाधीश आनन्दमोहन भट्टराईको एकल इजलासमा परेको मुद्दा हेर्न नभ्याइने सूचीमा परेको अदालतले जनाएको छ ।
निर्वतमान मुख्यमन्त्री हिक्मत कार्कीले प्रदेशसभाका सभामुख बाबुराम गौतमको हस्ताक्षरसहित सरकार गठनका लागि गरेको दाबी गैरकानुनी भएको भन्दै सर्वोच्च अदालतमा मुद्दा दायर गरेका थिए ।
गौतमको हस्ताक्षरसहितको दाबीलाई अनुमोदन गर्दै प्रदेश प्रमुख पर्शुराम खापुङले कांग्रेसका उद्धव थापालाई प्रदेशको मुख्यमन्त्री नियुक्त गरेका थिए । कार्कीको मुद्दामा प्रमुख खापुङलाई पनि विपक्षी बनाइएको छ । ९३ सदस्यीय कोशी प्रदेशमा बहुमतका लागि ४७ सांसदको समर्थन आवश्यक पर्छ ।
Copyright © 2019 / 2026 - Junkirikhabar.com All rights reserved
