सुनसरीको वराहक्षेत्रस्थित सप्तकोसी नदी किनारमा तीन जना युवतिमाथि भएको निर्घात कुटपिटमा संलग्न एक जनालाई प्रहरीले पक्राउ गरेको छ । सप्तकोसी किनारमा युवतीहरूको समूहले किशोरीहरूको अर्को समूहमाथि निर्घात कुटपिट भएको भिडियो सामाजिक सञ्जालमा बाहिरिएपछि घटनामा संलग्न एक जनालाई पक्राउ गरिएको जिल्ला प्रहरी कार्यालय सुनसरीका प्रबत्ता प्रहरी नायब उपरीक्षक राजकुमार राईले बताए ।
अरू चार जना फरार रहेको र उनीहरूको खोजी भइरहेको राईले जानकारी दिए । गत शुक्रवार सप्तकोसी नदीस्थित वराहक्षेत्रको राजाबासमा पाँच जना युवतीको समूहले तीन जना युवतिमाथि निर्घात कुटपिट गरेको घटना सामाजिक सञ्जालमा भाइरल बनेको छ ।
Copyright © 2019 / 2026 - Junkirikhabar.com All rights reserved
