नयाँ घर बनाउँदा इटहरी उपमहानगरपालिका आफैँले नक्सा बनाइदिने कार्य आज (सोमबार) बाट सुरु भएको छ । भवन निर्माण आचारसंहिताअनुसार घर बनाउन सघाउने गरी उपमहानगरपालिकाले आफैँले नक्सा बनाउन औपचारिक रूपमा सुरु गरेको हो ।
इटहरी उपमहानगरपालिका मेयर हेमकर्ण पौडेलले स्थानीयले भवनको नक्सा बनाउँदा चर्को शुल्क तिर्नुपरेको गुनासो आएकाले उपमहानगरपालिका आफैँले नक्सा बनाउन सुरु गरिएको जानकारी दिए ।
‘अबदेखि नक्सा उपमहानगरपालिकाले नै बनाइदिन्छ’, मेयर पौडेलले भने, ‘सर्वसाधारणले आज साउन १ गतेदेखि यो सेवा लिन पाउनेछन् ।’भूकम्प प्रतिरोधी घर निर्माणमा स्थानीयलाई जागरुक बनाउन उपमहानगरपालिकाले नक्सा बनाइदिन लागेको उनले बताए ।
उनले भने, ‘प्राइभेट इन्जिनियरिङ कन्सल्टेन्सीमार्फत घरको डिजाइन बनाउँदा धेरै महँगो पर्यो भन्ने गुनासो आएपछि हामीले नै नक्सा बनाइदिन लागेका हौँ ।’
Copyright © 2019 / 2026 - Junkirikhabar.com All rights reserved
