इटहरी अस्पतालमा मङ्गलवारबाट २४ औ घण्टा सञ्चालन हुने फार्मेसी सेवा सुरु भएको छ । एक कार्यक्रमका बिच इटहरीका मेयर हेमकर्ण पौडेलले सेवाको शुभारम्भ गर्नुभयो ।
फार्मेसीबाट बिमा मार्फत निःशुल्क पाइने २ सय प्रकारका औषधहरू अब यहाँ उपलब्ध हुने मेयर पौडेलले जानकारी दिए । इटहरी अस्पताललाई थप व्यवस्थित बनाउने आफ्नो योजना अनुसार फार्मेसी सेवा सुरु गरिएको र अब चाडै आइसियु र भेन्टिलेटरसहितको आधुनिक बेड कक्ष बनाउने तयारी भइरहेको पौडेलले जानकारी दिए । फार्मेसी सेवाको उद्घाटन कार्यक्रममा ९ र ६ नं. वडाका अध्यक्षहरूको समेत उपस्थिति रहेको थियो ।
