सशस्त्र प्रहरी बल १ नं. बराह बाहिनी पकलीले गोताखोर तालीम सुरुवात गरेको छ । विपद् व्यवस्थापन र बोर्डर सुरक्षामा प्रभावकारी बनाउन लागेको प्रहरीले गोताखोरका दक्ष जनशक्ति उत्पादनमा ध्यान दिएको हो ।
हालसम्म कोशी प्रदेशमा जम्मा ६ जना मात्र दक्ष गोताखोर छन् । आइतबारबाट थप २० जनलाई तालीम प्रदान गरिने भएको छ । प्रदेश सरकारका प्रमुख सचिव डाक्टर दीपक काफ्लेको प्रमुख आतीथ्यतामा तालीम उद्धघाटन भएको हो । विपद् व्यवस्थापनमा अब्बल रहँदै आएको प्रहरीले सुरु गरेको गोताखोर तालीमले पानीमा हुने दुर्घटनाको उद्धारमा सहयोग पुग्ने जनाइएको छ । प्रदेश सरकारको प्रत्यक्ष लगानीमा तालीम सञ्चालन हुन लागेको हो ।
बाढी तथा अन्य कारण पिपदमा परेकाहरुलाई जीवितै उद्धारको सङ्ख्या बढाउनको लागि गोताखोर तालीम प्रदान गर्न लागिएको बाहिनीपति प्रहरी नायव महानिरीक्षक अञ्जनी कुमार पोखरेलले बताए । नेपालमा उद्धारको कार्य गर्दा बिदेशबाट गोताखोर मगाउनु पर्ने बाध्यता अब क्रमश कम हुने उनले बताए । प्रहरी नायव महानिरीक्षक पोखरेलले जोखिम युक्त तालिममा सहभागीहरुलाई शुभकामना समेत दिएका छन् ।
अपर्याप्त जनशक्ति र उपकरणको अभावका बिच गत आर्थिक वर्षमा ६२२ घटनामा १५३८ जनाको उद्धार भएको सशस्त्र प्रहरीले जनाएको छ । चालु आ. व. २०८०÷८१ मा मात्रै ७० जनाको उद्धार गरिएको हो । हालसम्म देशैभरिबाट ३२ जनाको जीवितै उद्धार गरिएको जनाइएको छ ।।
Copyright © 2019 / 2026 - Junkirikhabar.com All rights reserved
