प्रदेश १ का पाँचथर र ताप्लेजुङका पाँचवटा ग्रामीण सडकमा कालोपत्रे गरिने भएको छ । प्रदेश १ सरकारको सहयोगमा फिदिमस्थित पूर्वाधार विकास कार्यालय पाँचथरमार्फत ती सडक कालोपत्रे बन्ने भएका हुन् । पाँचथरका फिदिम–फालोट सडक, सिवादोभान–लुम्फाबुङ–नवमीडाँडा सडक र सखरखण्डे–यासोक सडकमा कालोपत्रे हुने भएको हो । त्यस्तै, ताप्लेजुङको मामांखे–याम्फुदिन सडक, गुफा–भुजे–देउराली–गोर्जा–चाँगे दोभान सडक कालोपत्रे हुने भएको हो ।
फिदिम–फालोट सडकखण्डको १० दशमलव १२ किलोमिटरमा कालोपत्र हुने भएको हो । उक्त कामको ठेक्का कन्काई पीएसजेभीले ४६ करोड ४८ लाख रुपैयाँमा पाएको हो । सिवादोभान–लुम्फाबुङ–नवमीडाँडा सडकको १३ दशमलव ९२ किलोमिटर कालोपत्रे हुने भएको हो । उक्त सडकको ५९ करोड ३६ लाख रुपैयाँमा कान्छाराम याक्थुमहाङ निर्माण सेवाले ठेक्का पाएको पूर्वाधार विकास कार्यालय पाँचथरका प्रमुख भरतकुमार यादवले बताए ।
सरखण्डे–यासोक ११ दशमलव ३१ किलोमिटर सडकको कालोपत्रे सांग्रिला जेभीले गर्ने भएको हो । सांग्रिलाले ४७ करोड ७ लाख रुपैयाँमा ठेक्का पाएको हो । उता, ताप्लेजुङको मामाङ्खे याम्फुदिन खण्डको ७ दशमलव ४ किलोमिटरमा कालोपत्रे हुनेछ ।
Copyright © 2019 / 2026 - Junkirikhabar.com All rights reserved
