इटहरीमा शुक्रबारदेखि दोस्रो अमझोखी गोल्डकप २०८० आयोजना हुने भएको छ । इटहरी १० स्थित न्यु डाईमण्ड युवा क्लबको आयोजनामा मसिंर १५ देखि २२ गतेसम्म गोल्डकप आयोजना हुने भएको हो । ८ टिम सहभागी गोल्डकपमा विजेता हुने टिमले एक लाख ५ हजार रुपैयाँ र दोस्रोले ५५ हजार रुपैयाँ नगदसहित सिल्ड प्राप्त गर्ने छन् ।
अमझोखी खेलमैदानमा शुक्रबार १ बजेबाट उद्घाटन हुने प्रतियोगिताको तयारी सम्पूर्ण पुरा भएको न्यु डाईमण्ड युवा क्लबका सचिव दिलीप चौधरीले जानकारी दिए । गोल्डकपमा सशस्त्र प्रहरीको एपिएफ पकली सुनसरी, कुसुमे साइनिङ क्लब केराबारी, आयोजक क्लब, फिउजन क्लब उदयपुर, ताल तलैया फुटबल क्लब इटहरी, पटनाली क्लब धरान, कोशी प्रदेश प्रहरी विराटनगर र एमवाईसि क्लब दुहबीबिच प्रतिस्पर्धा हुनेछ ।
प्रतियोगितालाई युट्युबबाट अर्बिट स्पोर्टस एचडि र आयोजक न्यु डाईमण्ड युवा क्लबको फेसबुकबाट प्रत्यक्ष प्रसारण हुनेछ । प्रतियोगितालाई इटहरी उपमहानगरपालिका र कोशी प्रदेश खेलकुद विकास बोर्ड लगायतले सहयोग गरेको छ ।
