पुस १, २०८०
जुनकिरी खबर

चतरा धाममा पूर्ण कुम्भमेलाको तयारी तीव्र

अगामी चैत्र २७ गते देखी हुने दोस्रो पूर्ण महाकुम्भको तयारी तीव्र बनाएको छ । महाकुम्भको विषयमा प्राचीन हरिद्वार चतरा धाम स्थित जगतगुरु पीठ, बराह क्षेत्र नगरपालिका ,सुरक्षा निकाय,सरोकारवाला पक्ष र स्थानीय बिच तयारीका विषयमा बैठक सम्पन्न भएको छ ।

कुम्भमेला तयारीलाई तीव्रता दिने विषयमा आवश्यक छलफल गर्न बराह क्षेत्र नगरपालिकाका मेयर रमेश कार्की, वडा अध्यक्ष, प्रमुख प्रशासकीय अधिकृत सहित नगरपालिकाका कर्मचारीहरू चतरा धाम पुगेका थिए । यस्तै सुरक्षा निकायका व्यक्ति, स्थानीय धार्मिक सङ्घसंस्थाका प्रतिनिधिहरू सहितको बैठक आयोजना गरिएको हो ।

बैठकमा कुम्भमेलाको तयारीलाई तीव्रता दिने निष्कर्ष निकालिएको छ । विशेष गरी कुम्भमेला स्थलमा तयार गर्नुपर्ने भौतिक संग्रचनाको निर्माण, विद्युत्,खानेपानी, सरसफाइको व्यवस्थापन, सुरक्षा प्रबन्ध, बसोबास स्थल, प्रचारप्रसार, वाशिष्ठ व्यक्तिहरूको निमन्त्रणा लगायतका विषयमा छलफल भएको छ ।

कुम्भमेलाको तयारीको विषयमा जगतगुरु बाल सन्त मोहन सरण देवाचार्यले बताउनुभएको थियो । यस्तै गर्नुपर्ने तयारीका विषयमा पनि उहाँले प्रस्ट पार्नुभएको थियो ।

आवश्यक तयारीका लागि प्रदेश तथा सङ्घीय सरकारसँग समन्वय र सहयोगका लागि प्रस्ताव गर्ने बताइएको छ । यसका लागि नगरपालिका, जनप्रतिनिधि सहितका अन्य सरोकारवालाले पहल गर्ने बताइएको छ ।

आगामी चैत्र २७ गते शुक्ल प्रतिपदा देखी २०८१ वैशाख अक्षय तृतीया सम्म १ महिना पूर्ण महाकुम्भ मेला आयोजना हुँदैछ ।

सम्बन्धित समाचारहरु

डिजिटल दुर्व्यवहार र ...

सनातन हिन्दू धर्मकी साधिका राधिका दासीले आफूविरुद्ध सार्वजनिक भएका सामग्रीले आफ्नो व्यक्तिगत प्रतिष् ...

विराटनगरको आर्यान न् ...

विराटनगर । विराटनगरस्थित आर्यान न्यूरो अस्पताल र अस्पतालका वरिष्ठ न्यूरो सर्जन डा. पंकज राज नेप ...

इटहरीमा महिला फुटबल ...

इटहरी रंगशालामा आगामी असार १३ गतेदेखि कोशी प्रदेश स्तरीय महिला फुटबल प्रतियोगिता आयोजना हुने भएको छ। ...

मधेसमा तस्करविरुद्ध ...

रौतहट । रौतहट प्रहरीले भारततर्फ अवैध रूपमा निकासी गर्न लागिएको करिब ९० लाख रुपैयाँभन्दा बढी मूल्यको ...

चतरा धाममा पूर्ण कुम्भमेलाको तयारी तीव्र

हाम्रो बारेमा

सम्पर्क