कोसी प्रदेश सरकारका मुख्यमन्त्री केदार कार्कीले मन्त्रिपरिषद्लाई पूर्णता दिने तयारी थालेका छन् । नेताहरूले बताएअनुसार कुन दलले कति मन्त्रालय पाउने र कुन दलबाट को मन्त्री बन्ने भन्ने समेत सहमति जुटिसकेको छ ।
सत्तारूढ दल नेपाली कांग्रेसबाट दुई मन्त्री र एक राज्यमन्त्री थपिनेछन् । थपिने मन्त्रीहरूमा प्रदीपकुमार सुनुवार र रामकुमार कार्की छन् भने इन्दिरा थापालाई राज्यमन्त्री बनाउने तयारी रहेको छ । यस्तै सत्ता साझेदार दल नेकपा माओवादी केन्द्रबाट दुई मन्त्री थपिनेछन् । थपिने मन्त्रीहरूमा नारायण बुर्जामगर र राजेन्द्र कार्की रहेका छन् । उता, जसपा भने तत्काल सरकारमा नजाने भएको छ ।
अहिले मुख्यमन्त्रीसहित कांग्रेसबाट आन्तरिक मामिला तथा कानूनमन्त्री शम्शेर राई, माओवादी केन्द्रबाट पर्यटन, वन तथा वातावरणमन्त्री गणेश उप्रेती र नेकपा एकीकृत समाजवादीबाट कमलप्रसाद जबेगू भौतिक पूर्वाधार विकासमन्त्री छन् ।
Copyright © 2019 / 2026 - Junkirikhabar.com All rights reserved
