वैशाख २५, २०८१
जुनकिरी खबर

सुनसरीमा जिल्ला लिग फुटबल हुने

सुनसरीमा दुई वर्षपछि जिल्ला स्तरीय लिग फुटबल प्रतियोगिता हुने भएको छ । जिल्ला फुटबल संघ सुनसरीले वैशाख २६ देखि जेठ ९ गतेसम्म जिल्लाको ‘ए’ डिभिजन लिग हुने जानकारी गराएको छ ।

अखिल नेपाल फुटबल संघको संयोजनमा हुने लिग इटहरी र धरान क्षेत्र गरी दुई स्थानमा हुने जिल्ला फुटबल संघ सुनसरीका महासचिव कोबिदजंग कार्कीले जानकारी दिए । इटहरी रङ्गशाला तथा धरान रङ्गशालामा हुने प्रतियोगितामा सुनसरी जिल्ला फुटबल संघमा आबद्ध १० टिम सहभागी हुनेछन् । सहभागी १० टिमलाई २ समूहमा विभाजन गरी लिग सञ्चालन गरिने कार्कीले बताए ।

इटहरी क्षेत्र अन्तर्गत इटहरी रङ्गशालामा हुने खेलमा राष्ट्रिय जागृति क्लब, एलेभेन एरोज क्लब, इटहरी फुटबल क्लब, ब्वाईज क्लब र गोल्डेनस्टार यूथ क्लबले प्रतिस्पर्धा गर्ने छन् । धरान क्षेत्र अन्तर्गत धरान फुटबल क्लब, गोधुली क्लब, टेम्के क्लब, न्यु स्टार क्लब र संयुक्त युवा क्लब खेल्नेछन् । दुई समूहका उत्कृष्ट चार टिमलाई दोस्रो चरणको नकआउट प्रतियोगितामा सहभागी गराइनेछ । यी खेलहरू भने धरान रङ्गशालामा हुने जिल्ला फुटबल संघ सुनसरीका अध्यक्ष नवीन राईले जानकारी दिए ।

लिग विजेताले नगद ५० हजार रुपैयाँ र उपबिजेताले ३० हजार रुपैयाँ पाउने आयोजकले जनाएको छ । विधागत उत्कृष्ट हुनेलाई नगद ३ हजार र सर्वाधिक गोलकर्तालाई नगद ५ हजार प्रदान गरिने जनाइएको छ । लिग च्याम्पियन टोली बढुवा हुँदै प्रदेश लिग खेल्न पाउने छ भने पुछारको टिम घटुवा हुनेछ ।

सम्बन्धित समाचारहरु

डिजिटल दुर्व्यवहार र ...

सनातन हिन्दू धर्मकी साधिका राधिका दासीले आफूविरुद्ध सार्वजनिक भएका सामग्रीले आफ्नो व्यक्तिगत प्रतिष् ...

विराटनगरको आर्यान न् ...

विराटनगर । विराटनगरस्थित आर्यान न्यूरो अस्पताल र अस्पतालका वरिष्ठ न्यूरो सर्जन डा. पंकज राज नेप ...

इटहरीमा महिला फुटबल ...

इटहरी रंगशालामा आगामी असार १३ गतेदेखि कोशी प्रदेश स्तरीय महिला फुटबल प्रतियोगिता आयोजना हुने भएको छ। ...

मधेसमा तस्करविरुद्ध ...

रौतहट । रौतहट प्रहरीले भारततर्फ अवैध रूपमा निकासी गर्न लागिएको करिब ९० लाख रुपैयाँभन्दा बढी मूल्यको ...

सुनसरीमा जिल्ला लिग फुटबल हुने

हाम्रो बारेमा

सम्पर्क