युवा उद्यमी मञ्च (एनवाइइएफ) सुनसरीले आयोजना गरेको अन्तर कलेज बिजनेस आइडिया प्रतियोगिता सम्पन्न भएको छ । इटहरीको बरण्डा होटेलमा शुक्रबार सम्पन्न प्रतियोगितामा विश्व आदर्श कलेजले अवार्ड हात पारेको हो ।
६ कलेजको सहभागिता रहेको प्रतियोगिताका उपविजेता भने घोषणा गरिएको छैन । विजयी विश्व आदर्शले एक लाख नगदसहित प्रमाणपत्र प्राप्त गरेको छ । उद्योगी शिवप्रसाद घिमिरेको प्रमुख आतिथ्यतामा सम्पन्न कार्यक्रममा विभिन्न उद्योगी तथा व्यवसायीहरूको उपस्थिति थियो । कार्यक्रममा सम्बोधन गर्दै घिमिरेले यस्ता प्रतियोगिताबाट आएका आइडियले युवाहरूलाई उद्यमी बनाउने बताए ।
उद्यमी मञ्च सुनसरीका अध्यक्ष चन्द्र देवकोटाले युवाहरूमा स्वरोजगार र उद्यमीको भावना विकास गराउन प्रतियोगिता गरेको जानकारी दिए ।
विद्यार्थीको आइडिया लगानीकर्तासम्म पुर्याउने र रचनात्मक बिजनेस सुरुवात गर्ने उद्देश्य राखिएको उनले बताए । प्रतियोगितामा विश्व आदर्शसहित कस्तुरी, कोशी, सुष्मा, ग्रीनपिस लिङ्कन र इटहरी इन्टरनेसनल कलेजले सहभागिता जनाएका थिए ।
Copyright © 2019 / 2026 - Junkirikhabar.com All rights reserved
