भदौ १४, २०८१
जुनकिरी खबर

इटहरीमा उखुको जुसमा अखाद्य वस्तु भेटियो, १४ जना पक्राउ

इटहरी उपमहानगरपालिकाले गरेको बजार अनुगमनका क्रममा अखाद्य वस्तु भेटिएको छ । अखाद्य वस्तु भेटिएपछि उपमहानगरले १४ जनालाई नियन्त्रणमा लिएको छ ।

बिहीबार इटहरी उपमहानगरपालिकाले बजार अनुगमनको क्रममा उखुको जुसमा अखाद्य वस्तु फेला पारेसँगै १४ जनालाई पक्राउ गरिएको हो ।

उपमहानगरले अनुगमन गर्न थालको सूचना पाएपछि कतिपय व्यापारीहरू भने ठेला छाडेर भागेको इटहरी नगर प्रहरी प्रमुख जेबी राईले बताए । उनका अनुसार छाडेर भागेका ११ वटा ठेला समेत नियन्त्रणमा लिइएको छ ।

इटहरी उपमहानगर उपभोक्ता हित संरक्षण शाखाकी खाद्य निरीक्षक अनु अर्यालका अनुसार अनुगमनको क्रममा उखुको जुसमा ‘आखाद्य केमिकल’ हालेर बेचेको पाइएपछि पक्राउ गरिएको हो ।