सप्तकोसी नदीमा यात्रुबहाक बस खसेको छ । पूर्वपश्चिम राजमार्ग अन्तर्गत कोसी ब्यारेजको पुलको सप्तरी तर्फ पर्ने ३५ र ३६ नम्बर बिचको ढोकाबाट को १ ख ४६०१ नम्बरको बस खसेको सुनसरीका सशस्त्र प्रहरी उपरीक्षक सेमानन्द बज्राचार्यले जानकारी दिए ।
उनका अनुसार बसमा रहेका सबै २० जना यात्रुको उद्धार गरिएको छ । नरसिंह टाभल नाम गरेको बस विराटनगरबाट उदयपुरको गाईघाट जाँदै गरेको थियो । बस आफैँ अनियन्त्रित भएर पुलको बार भत्काउँदै नदीमा खसेको प्रहरीले जनाएको छ ।
बस चालक सिराहा लहान ८ बस्ने वर्ष ३५ को चन्दन कुमार मेहता इलाका प्रहरी कार्यालय भारदह सप्तरीको नियन्त्रणमा रहेको प्रहरीले जनाएको छ ।
