कोशी प्रदेश योजना आयोग सदस्यमा ४ जना मनोनित भएका छन् । सोमबार बसेको मन्त्रिपरिषद बैठकले एमालेबाट २ र माओवादी केन्द्रबाट २ जना मनोनित गरेको हो ।
योजना आयोगका सदस्यमा एमाले कोटामा काठमाडौंका डा। सिताराम बस्नेत, धरानका किसोर कुमार राई मनोनित भएका छन् । राई जनवादी गायक हुन् । उनको स्वरमा रहेको खोकु छिन्ताङ दुख्यो कि अरुण सुसाउदा बोलको गीत चर्चित छ ।
योजना आयोगमा माओवादी केन्द्रको कोटामा धरानका भवानी बराल र विराटनगरकी नमिता न्यौपाने मनोनित भएका हुन् ।
सोमबारको मन्त्रिपरिषद् बैठकले कोशी प्रदेशमा नामको विरुद्ध आन्दोलन गरिरहेको पहिचान पक्षधर र अन्य समूहसँग वार्ता गर्न समिति पनि गठन गरेको छ । मन्त्रिपरिषद् बैठकले वार्ता समितिको नाम भने राजनीतिक तथा शान्ति वार्ता टोली राखेको छ ।
टोलीको संयोजकमा आर्थिक मामिला तथा योजना मन्त्री राम बहादुर मगर छन् । सदस्यमा भौतिक पूर्वाधार विकासमन्त्री गणेशप्रसद उप्रेती, आन्तरिक मामिला तथा कानुन मन्त्री लिलाबल्लभ अधिकारी छन् ।
सदस्य सचिव आन्तरिक मामिला तथा योजना मन्त्रालयका सचिव लक्ष्मीप्रसाद पौडेल छन् ।
Copyright © 2019 / 2025 - Junkirikhabar.com All rights reserved
