इटहरीस्थित जनता बहुमुखी क्याम्पसमा स्वयिवु सभापतिका आकांक्षीको नाम मतदाता नामावलीमा समावेश नभएपछि निर्वाचन समितिको कार्यालयमा तालाबन्दी गरिएको छ ।त्रिभुवन विश्वविद्यालय (त्रिवि)ले माघ ११ भन्दा पछाडि भर्ना भएका विद्यार्थीलाई चुनावी प्रक्रियामा भाग लिन नपाउने निर्देशिका जारी गरेको थियो । सोअनुसार निर्वाचन समितिले आज (आइतबार) मतदाता नामावली प्रकाशित गरेको छ ।
मतदाता नामावलीमा स्ववियु सभापतिका आकांक्षी, अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु)का हेमराज खड्का (आदित्य)को नामावली समावेश नभएपछि तालाबन्दी गरिएको हो । अनेरास्ववियु सुनसरीका अध्यक्ष उज्वल सिग्देलका अनुसार निर्वाचन समितिले विद्यार्थी संगठनसँग छलफल नगरी मतदाता नामावली प्रकाशन गरेको र मतदाता नामावलीमा दुई सय ६ जना विद्यार्थीको नामावली समावेश नभएको भन्दै तालाबन्दी गर्न बाध्य भएको हो ।
यता, निर्वाचन समितिका संयोजक सञ्जीवकुमार यादवले भने स्ववियु निर्वाचनको कार्यतालिकाअनुसार अगाडि बढेको र त्यो अनुसार नामावली प्रकाशन गरेको प्रतिक्रिया दिए ।
Copyright © 2019 / 2025 - Junkirikhabar.com All rights reserved
