सुनसरीमा ‘हनी ट्रयाप’ मा पारेर पाँच लाख रुपैया पैसा लिएको बिषय सार्वजनिक भएको छ । एक युवालाई ‘हनी ट्रयाप मा पारेर पाँच लाख रुपैयाँ युवतीका परिवारले लिएको विरोधमा सुनसरी हरिनगर गाउँपालिका वडा नं। २ भुटाहामा आइतबार केहीबेर तनावग्रस्त बन्यो । हरिनगर गाउँपालिका वडा नं। २ का २३ वर्षीय माजिद अन्सारीलाई सोही ठाउँकी युवतीले माया प्रेमको विषयलाई ‘हनी ट्रयाप’ मा पारेर शनिबार राति पाँच लाख रुपैयाँ परिवारले लिएको थियो ।
त्यही विषयलाई लिएर युवा पक्षीय समूहले आइतबार भुटाहामा प्रदर्शन गरियो । सो क्रममा युवती पक्षीय समूह पनि प्रदर्शनमा उत्रियो । जसले गर्दा ठूलो संख्यामा प्रहरी परिचालन गरेपछि कुनै अप्रिय घटना हुन पाएन् । प्रहरीका अनुसार दिउँसो २ बजेदेखि तनाव साम्य हुन पुग्यो । समयमै ठूलो संख्यामा प्रहरी परिचालन नगरिँदा भने मानवीय क्षति हुने खतरा रहेको थियो । युवासँग युवती पक्षीयले लिएको पाँच लाख रुपैयाँ पैसा फिर्ता गरेपछि तनाव सहज भएको हनिरगर गाउँपालिकाका अध्यक्ष गफार अन्सारीले बताएका छन् । केटी पक्षले गल्ती भएको स्वीकार गरी पैसा फिर्ता गरेकाले गर्दा अहिले भुटाहाको अवस्था शान्त रहेको छ ।
प्रेम सम्बन्धमा रहेकी युवतीलाई परिवारले दबाब दिएर प्रेमी युवालाई घर भित्रै बोलाएर कुटपिट गरेको र पाँच लाख रुपैयाँ तिरेका थिए । प्रहरीका अनुसार समाजका केही अगुवासहित केटी पक्षले पैसा लिए र प्रदर्शनपछि उनीहरूकै सहमतिमा पैसा फिर्ता गरेको अवस्था छ ।
Copyright © 2019 / 2026 - Junkirikhabar.com All rights reserved
