झापा । काठमाडौं महानगरपालिकाका मेयर तथा राष्ट्रिय स्वतन्त्र पार्टीका वरिष्ठ नेता बालेन्द्र शाहले फागुन २१ गते तय भएको प्रतिनिधि सभा चुनावको तयारी तीव्र पारेका छन्।
बालेनले झापा ५ बाट उम्मेदवारी दिने चर्चा छ। सो क्षेत्र नेकपा एमालेका अध्यक्ष केपी शर्मा ओलीको गृहनगर हो। जहाँबाट ओली लगातार चुनाव लडिरहेका छन्।
सोही कारण अन्तिम निर्णय गर्नुअघि बालेनको कोर टिम झापा आएका छन्। बिहीबार उनको टिमका चार जना झापा आएका हुन । यो टिमले शुक्रबारबाट विशेष अभियान थालेको अभियन्ता निशान खत्रीले जानकारी दिए । कलाकार निश्चल बस्नेतको टिमले अहिले पार्टी कार्यकर्तासँग भेटघाट गरिरहेको र झापामा सम्पर्क कार्यालय राख्न घर खोजी भइरहेको खत्रीले बताए । झापा क्षेत्र नं. ५ मा चुनावी महोलको लागि खत्रीको छुटै टिमले निश्चल बस्नेतलाई सहयोग गरिरहेको छ । स्रोतका अनुसार झापा ५ मा बालेन आउने कार्यक्रमको समेत तयारी गरिदै छ । बालेन झापा आउदा हजारौ युवाहरु पार्टी प्रबेश गर्ने समेत जनाइएको छ ।
झापा आएको टोलीले चार दिन अध्ययन गरेर रिपोर्ट पठाएपछि बालेनले चुनावी क्षेत्रको औपचारिक घोषणा गर्नेछन्। सामाजिक सञ्जालबाट पनि उनले सो जानकारी दिने तयारी गरेका छन्। उम्मेदवारी दिएपछि मात्र घरदैलो कार्यक्रम सुरु गर्ने बालेनको योजना छ ।
Copyright © 2019 / 2026 - Junkirikhabar.com All rights reserved
