सुनसरीमा मङगलबार ३ स्थानमा दुई ठुला दलको अमसभा सम्पन्न भएको छ । अगामि फागुन २१ गते हुने प्रतिनीधिसभालाई लक्षित गरेर नेपाली काङग्रेस र राष्ट्रिय स्वतन्त्रण पार्टीको आमसभा सम्पन्न भएको हो ।
सुनसरीको इटहरी उपमहानगरपालिकामा राष्ट्रिय स्वतन्त्र पार्टीबाट प्रधानमन्त्रीका रुपमा प्रस्तावित उमेदवार तथा पार्टीका वरिष्ठ नेता बालेन्द्र शाह (बालेन)ले पूर्वी नेपाललाई आर्थिक सम्भावनाको शक्तिशाली केन्द्रको रूपमा विकास गर्न सकिने बताउनुभएको छ । प्राकृतिक स्रोत, कृषि उत्पादन र धार्मिक–सांस्कृतिक सम्पदाको व्यवस्थित उपयोग मार्फत समृद्धि सम्भव हुने दाबी गर्नुभयो । यो क्षेत्र कृषिमा अधारित क्षेत्र भएकाले दिगो सिँचाइ प्रणाली निर्माणको आवश्यक्ता रहेको बताउनुभयो ।
नयाँ फ्याक्ट्री खोलेर चलाउन १० जना नेतालाई ढोग्नुपर्नेपर्ने अवस्था विद्यमान रहेकाले त्यस्तो अवस्था अन्त्य गर्नेका लागि समेत अहिलेको आवश्यक्ता रहेको बताउनुभयो ।
सिलाम साक्माले मानिसलाई कालबाट जोगाए जस्तो देशलाई जोगाउने प्रतिबद्धता उहाँले ब्यक्त गर्नुभयो । कार्यक्रममा सुनसरी क्षेत्र नम्वर २ का उमेदवार लाल बिक्रम थापा सहितको पार्टीका बिभिन्न तह तथा तपकाको ब्यक्तिको सहभागीता रहेको पार्टीका सभापति सागर दाहालले जानकारी दिनुभयो । त्यसैगरी सुनसरीको रामधुनी नगरपालिकामा नेपाली काङग्रेसको चुनावी आमसभा सम्पन्न भएको छ ।
सभालाई सम्बोधन गर्नुहुदै नेपाली काङग्रेसका केन्द्रिय उपसभापति बिश्वप्रकाश शर्माले जेनजी आन्दोलनपछि काङग्रेस रुपान्तरण भएकाले अव देश रुपान्तरण गर्ने अठोट सहित काङग्रेस अघि वढेको बताउनुभयो । राष्ट्रपति एक कार्यकाल र प्रधानमन्त्री दुई कार्यकाल भन्दा वढी हुन नपाउने व्यवस्था नेपाली काङग्रेसले गरेको बताउनुभयो ।
चुनावपछि पार्टी बीच सामुहिक छलफल र वहस आवश्यक रहेको र मुलुकका लागि सबै एकजुट हुनु पर्नेमा उपसभापति शर्माले जोड दिनुभयो । राजनीतिमा बदलिनु पर्ने सबै भन्दा ठुलो कुरा संस्कार र शैलि रहेको बताउनुभयो । कार्यक्रममा सुनसरी क्षेत्र नम्बर २ का नेपाली काङग्रेका उम्मेदवार राजीव कोइराला सहितको सहभागीता रहेको थियो । त्यसैगरी सुनसरीको बराहक्षेत्रमा समेत नेपाली काङग्रेसबको चुनावीसभा सम्पन्न भएको हो ।
