इटहरी/ नेपाल सरकारले मिडियालाई अंकुश लगाउन काउन्सिल सम्वन्धी विधेयक संसदमा पेस गरेको भन्दै प्रेस युनियन सुनसरीले इटहरीमा सडक प्रर्दशन गरेको छ । प्रेस काउन्सिलसहित सरोकार पक्षसँगको छलफल र सहमतिविना नै संसदमा दर्ता गरिएको भन्दै मुखमा कालोपट्टी बाधेर एक खुट्टा उचारे विरोध गरेको हो ।
इटहरी चौकमा र्याली सहित मुखमा कालो पट्टी र एक खुट्टा उचालेर आधा घण्टा सम्म विरोध गरेका हुन । सरकारले पत्रकारलाई अपाङग बनाउँन खोजेको बन्दै साङ्केतिक विरोध स्वरुपमा मुखमा पट्टी र एक खुट्टा उचालेको प्रेस युनियन सुनसरीका अध्यक्ष धनबहादुर पुरीले जनाए । पुरीले भने उक्त विधेयक तत्काल फिर्ता लिनु पर्छ ।
प्रेस स्वतन्त्रता हनन गर्ने गरी, संबिधानको मुल मर्म बिपरित तथा अन्तराष्ट्रिय अभ्यासको समेत बिपरित हुने किसिमले ल्याउने कुनै पनि कानुन पत्रकारलाई मान्य नहुने पत्रकारहरुले बताएका हुन । उनीहरुले तत्काल विधेयक फिर्ता नलिए सुनसरीबाटै शशक्त आन्दोलनको कार्यक्रम गर्ने बताएका छन ।
नेपाल पत्रकार महासंघका प्रदेश अध्यक्ष विक्रम लुईटेल पत्रकार महासंघ सुनसरीका अध्यक्ष अमर खड्का लगायतको समेत उपस्थित रहेको थियो ।
Copyright © 2019 / 2024 - Junkirikhabar.com All rights reserved
