असार १, २०७६
जुनकिरी खबर

भालुको आग्रमणमा परी २१ भेडा मरे

मुस्ताङको तल्लोक्षेत्र थासाङमा भालुको आक्रमणमा परी २१ भेडाको मृत्यु भएको छ । थासाङ गाउँपालिका–५ ताक्लुङ र झिप्रा देउरालीबीचको मिन्दी पाखोमा जंगली भालुको आक्रमणले २१ वटा भेडा मारेको इलाका प्रहरी कार्यालय लेतेले जनाएको छ ।

थासाङ–५ छयो घरभई हाल म्याग्दीको दाना बस्दै आएका शंकरमान गुरुङको गोठमा पालेका भेडाको बथानमाथि गत शुक्रबारबेलुका जंगली भालुले आक्रमण गरेको वडाअध्यक्ष सोमल हिराचनले जानकारी दिए ।

घटनाबारे शनिबार मात्रै जानकारी पाएको वडाअध्यक्ष हिराचनको भनाइ छ । उनकाअनुसार भालुको आक्रमणबाट २१ भेडा गोठमै मरेको र केही घाइते भएका छन् ।