पदाधिकारी चयनको बिषयलाई लिएर कम्प्युटरजन्य व्यवसायीहरूको छाता संस्था कम्प्युटर एसोसिएसन अफ नेपाल (क्यान) सुनसरीमा विवाद देखिएको छ । क्यान सुनसरी अधिवेशनबाट चयन भएका पदाधिकारी बिधान संगत नभएको भन्दै क्यानकै सदस्यहरुले बिरोध गरेका छन् ।
अध्यक्षमा चुनाव हुने र अध्यक्षको नेतृत्वमा पदाधिकारी चयन हुने क्यानको नियम छ । जस अनुसार अध्यक्षमा विजयी विशाल बास्तोलाले पदाधिकारी चयन गर्दा उम्मेद्धवारी दिएकालाई पन्छाएर अन्यलाई पदमा ल्याइएको छ ।
उपाध्यक्षको लागी निवर्तमान सचिव पुष्प अधिकारीले उम्मेदवार दिएका थिए भने सहसचिवको लागी भगीरथ राजवंशीले उम्मेदवार दिएका थिए । तर, २३ गते नामावली दिएकोमा २४ गते शपथग्रहणको दिन अचानक नामावली फेरिएको थियो । जसमा सहसचिवमा नाममा राजवंशीलाई नियोजित हिसाबले नाम हटाएर सुरेश चन्द्र दाहालको नाम राखियो ।
उपाध्यक्षको लागी निवर्तमान सचिव पुष्प अधिकारीले उम्मेदवार दिएका थिए । यता उपाध्यक्षको पदमा समेत अधिकारीको नाम हटाएर खड्गप्रसाद ओझाको नाम राखिएपछि विवाद शुरु भएको हो ।
सहसचिव र उपाध्यक्ष बाहेकका पदमा भने हालसम्म विवाद देखिएको छैन । टिकाराम न्यौपाने सचिव र महेन्द्र गुरगाँइ कोषाध्यक्ष चयन भएका छन् । अनिश भट्टराई र दीपनारायण यादव सदस्य भएका छन् । सदस्य बनाइएका पुष्प अधिकारी र भगीरथ राजवंशीले भने सदस्यको शपथ लिएका छैनन् ।
यस्तै विवादको अर्काे बिषयमा क्यान सुनसरीमा इटहरीका मात्र पदाधिकारीले राज गरेको अन्य शहरका सदस्यहरुले आरोप लगाएका छन् । नाममा सुनसरी जिल्ला स्तरि भनिएपनि सबै पदाधिकारी र सदस्यहरू इटहरीका मात्रै रहेका छन् । यस्तैगरि, नयाँ कार्यसमिति चयनताका भएको माइन्युटमा समेत असन्तुष्ट समूहले आपत्ति जनाएका छन् । निवर्तमान अध्यक्ष बलराम भन्डारीलाइ आमन्त्रित अतिथि बनाएर सामान्य नियम समेत जानकार नभएको देखिएको उनीहरूको आरोप छ ।
विवाद बढेपछि उपाध्यक्ष र सहसचिवका उम्मेदवार एक विज्ञप्ति जारी गरेका छन् । केन्द्रीय सदस्यहरू ठाकुर प्रसाद श्रेष्ठ र दीपक पाठकसँगै क्यान महासंघलाइ बोधार्थ दिएर सार्वजनिक गरिएको विज्ञप्तिमा छानबिनको माग गरिएको छ ।
Copyright © 2019 / 2026 - Junkirikhabar.com All rights reserved
