अर्थ मन्त्रालयले बजेट नदिएपछि सैन्य सामग्री खरिदबापत भारतलाई तिर्नुपर्ने ३ अर्ब २१ करोड रुपैयाँ भुक्तानी रोकिएको छ । ०६४ देखि ०७५ सम्म खरिद गरिएका हातहतियार, गोलीगट्ठा, विस्फोटक पदार्थ, हेलिकप्टर, गाडीलगायत घातक तथा गैरघातक सैन्य सामग्रीको भुक्तानी रोकिएको हो ।
काठमाडौंमा गत वर्ष सम्पन्न नेपाल–भारत रक्षा र परराष्ट्रका अधिकारी सम्मिलित द्विपक्षीय सुरक्षा बैठकमा नेपाली पक्षले सैनिक बन्दोबस्तीका सामान खरिदबापतको बक्यौता एक वर्षभित्र तिर्ने प्रतिबद्धता जनाएको थियो । प्रतिबद्धताअनुसार रक्षा मन्त्रालयले रकम उपलब्ध गराइदिन अर्थलाई पत्राचार गरेको थियो । भुक्तानीका लागि पुनः लिखित र मौखिक रूपमा ध्यानाकर्षण गराउँदा पनि अर्थबाट कुनै जवाफ नआएको रक्षाले जनाएको छ ।
Copyright © 2019 / 2026 - Junkirikhabar.com All rights reserved
