वीपी कोइराला स्वास्थ्य विज्ञान प्रतिष्ठानमा बीएस्सी नर्सिङ पहिलो वर्ष अध्ययनरत एक छात्राको शंकास्पद मृत्यु भएपछि मृतकका अभिभावकले सत्य तथ्य पत्ता लगाउन माग गर्दै इलाका प्रहरी कार्यालय धरानमा जाहेरी दिएका छन् ।
प्रतिष्ठानको छात्राबासमा बस्दै आएकी १९ वर्षीया अन्जना देवले झुण्डिएर आत्महत्या गरेको बताइएपनि प्रहरी र अभिभावकले भने झुण्डिएको अवस्थामा रहेको देख्न नपाएपछि अन्जनाको मृत्यु शंकास्पद हुन पुगेको हो ।
छोरीको आकस्मिक मृत्युले शोकमग्न भएका मृतक अन्जनाका बाबु रविन्द्र देवले भने, ‘छोरीले आत्महत्या नै गरिहाल्छे भन्ने लागेको थिएन । सोमबार राति ८ बजे मात्र आफ्नो बहिनी अन्जलीलाई फोन गरेर राम्रो परीक्षा दिनु भनेर सम्झाएकी थिइन् ।’ उनले छोरीको मृत्यु शंकास्पद लागेको बताए ।
Copyright © 2019 / 2026 - Junkirikhabar.com All rights reserved
