प्रेस काउन्सिल नेपाल र नेपाल पत्रकार महासंघले सोमबार पत्रकारहरुको लागि आचारसंहिता सार्वजनिक गरेका छन् ।
काठमाडौँमा प्रेस काउन्सिलका कार्यवाहक अध्यक्ष किशोर श्रेष्ठ र महासंघका अध्यक्ष गोबिन्द आचार्यले संयुक्त रुपमा हस्ताक्षर गरि आचारसंहिता सार्वजनिक गरेका हुन् । यो आचारसंहिता पत्रकार आचारसंहिता २०७३ को संसोधित स्वरूप हो । बदलिदो परिवेश र पत्रकारिताको नयाँ अभ्यास सुहाउँदो आचारसंहिता बनाइएको प्रेस काउन्सिलले जनाएको छ । सरकारले बदनियत राखेर प्रेसलाई अंकुश लगाउन अगाडि स्वनियम हुन सक्ने गरि आचारसंहिता बनाइएको काउन्सिलका कार्यवाहक अध्यक्ष श्रेष्ठले बताए । आचारसंहिता लागु भएपछि समाचार लेखेको आधारमा फौजदारी अभियोग लागेर जेल जानु पर्ने अवस्था नआउने विश्वाश उनले ब्यक्त गरे ।
मुख्यगरी सामाजिक संजाल र अनलाइन मिडियालाई स्वनियम हुने गरि आचारसंहिता जारि भएको छ । अनर्गल समाचार लेख्ने व्यक्तिगत मानमर्दन हुनेगरी समाचार लेख्ने संचार गृहलाई कालोसूचीमा राखेर कारबाही हुन सक्ने प्रावधान यस आचारसंहितामा राखिएको छ । यस्तै आचारसंहिताले सामाजिक संजाल प्रयोगकर्ताहरुले राखेको विवरणको आधारमा संचारमाध्यमले समाचार बनाई प्रकाशन प्रशारण गरे संचार मध्यम आफुले गरे सरह हुने भन्दै सचेत गराएको छ ।
Copyright © 2019 / 2026 - Junkirikhabar.com All rights reserved
