जिल्ला प्रहरी कार्यालय मोरङले उत्कृष्ट काम गरेको भन्दै भदौमा निरीक्षकसहित १८ जनालाई पुरस्कृत गरेको छ । पुरस्कार पाउनेमा २ नायब निरीक्षक, २ सहायक निरीक्षक, ४ हवल्दार र ९ जवान छन् ।
पदीय दायित्व विपरितका गतिविधि गर्ने १५ प्रहरीलाई कार्यालयले सजायसमेत दिएको छ । सजाय पाउनेमा एक सहायक निरीक्षक, ६ हवल्दार र ८ जवान छन् । ड्युटिमा रहेका बेला मादक पदार्थ सेवन गरेको, सेवाग्राहीसँग दुर्व्यवहार गरेको र नगद मागेको लगायतका आरोपमा उनीहरूलाई कारवाही गरिएको हो ।
उनीहरूले नसिहत, ग्रेड घटुवा एवं ड्युटीमा स्थानान्तरणलगायतका सजाय पाएको कार्यालयका डीएसपी घनश्याम श्रेष्ठले बताए । उनका अनुसार कारवाहीबाट चित्त नबुझेकाले आफू कार्यरत कार्यालय हुँदै जिप्रका प्रमुख र प्रहरी प्रधान कार्यालयमा समेत पुनरावेदन गर्न सक्छन् ।
Copyright © 2019 / 2026 - Junkirikhabar.com All rights reserved
