इटहरी/ नेपाली काग्रेसका नेता तथा पूर्व अर्थमन्त्री डाक्टर रामसरण महतले सरकार प्रचारमुखी मात्र भएको बताएका छन । काम भन्दा पनि सरकार प्रचारमा ब्यस्त भएको भन्दै नेता महतले सरकारको आलोचना गरेका हुन ।
प्रेस युनियन सुनसरीले आयोजना गरेको अन्तरक्रिया कार्यक्रममा बोल्दै डाक्टर महतले ओली सरकार अहिले सम्मकै काम नलाग्ने सरकार भएको टिप्पणी गरेका थिए । देशमा सिन्को भाची विकासको काम नभएको भन्दै अहिले सकार प्रचारमा मात्र लागेको बताएका हुन । प्रेस स्वतन्त्रताको विषयमा सरकार चुकेको भन्दै संसदमा अवरोध गर्ने सम्म चेतावनी दिए ।
काग्रेसका केन्द्रिय सदस्य तथा पूर्वमन्त्री रामकुमार यादबले ओली सरकारका कारण जनता हैरान भएको बताए । देशमा दण्डहिनता बढ्दै गएको आरोप लगाउँदै पत्रकारहरुको अधिकार समेत कुण्ठित गरेको उनको भनाई थियो । सबै क्षेत्रलाई निराश बनाएर अघि बढ्न खोजेको भन्दै प्रेस काउन्सिल विधेयक फिर्ता गर्ने माग समेत गरे ।
पूर्व संसद तथा काग्रेस नेता रामहरि खवितडाले सरकारले पत्रकारहरुलाई बन्देज लगाउँने कामको कडा विरोध गर्ने बताएका छन । सरकारको नकरात्मक कामको पत्रकारहरुले समाचार लेखेको इगो साध्न काउन्सिल विधेयक ल्याएको खतिवडाको आरोप छ ।
Copyright © 2019 / 2024 - Junkirikhabar.com All rights reserved