संगठित गिरोहले तिहारका लागि दसैं अघिदेखि नै पटकाको तस्करी सुरु गरेको छ । प्रतिबन्धित पटका (विस्फोटक पदार्थ) को बिक्री–वितरण कानुनतः अवैध मानिन्छ । तर, अनेक उपाय जिल्ला प्रहरी कार्यालयको टोलीले बिहीबार भित्र्याएको पटका मेचीनगर र कनकाई नगर क्षेत्रबाट बरामद गरेको छ ।
प्रहरी नायव उपरीक्षक महेन्द्र श्रेष्ठका अनुसार बिहीबार मेचीनगर ६ स्थित तुर्केनी क्षेत्रवाट भित्र्याइएको अन्दाजी १ लाख बराबरको पदार्थ प्रहरीले बरामद गरेको हो । त्यसैगरी कनकाई ५ स्थित सुरुङगा बजारबाट ७० हजार मूल्य बराबरको २९ बण्डल पटका बरामद गरी नष्ट गर्न सुरु गरिएको छ ।
तस्करले नकलबन्दा, बाहुनडाँगी, भद्रपुर गौरीगन्ज, केचनालगायत खुला नाकाबाट पटका तस्करी गर्ने गरेको खुलेको छ । तस्करी गरी भित्र्याइएको पटका यात्रु बसमा राखेर गन्तव्यमा पुर्याइने गरिन्छ ।
बिहीबार बिहान १० बजे पूर्वबाट पश्चिमतर्फ जाँदै गरेको मे१ख १७१२ नम्बर यात्रुवाहक बसबाट पटका बरामद गरिएको थियो । झापा प्रहरीले अवैध पटका भित्रन नदिन नाकामा निगरानी गरेको जनाएको छ । अन्य नाका प्रयोग गरेर तस्करी हुने क्रम सुरु भएको छ ।
भारतसँग करिब १ सय १८ किलो मिटर क्षेत्र खुला छ । झापासँग जोडिएको पश्चिम बंगाल र विहारका विभिन्न सहरबाट पटकका नेपाल भित्र्याइने गरिएको प्रहरी स्रोतले जनाएको छ ।
Copyright © 2019 / 2026 - Junkirikhabar.com All rights reserved
