न्याय परिषद्ले ३८ क्विन्टल सुन तस्करी र सनम शाक्य हत्या प्रकरणमा उच्च अदालत विराटनगरका मुख्य न्यायाधीश डा. कुलरत्न भुर्तेल, सारंगा सुवेदी र जनक पाण्डेलाई ध्यानाकर्षण गराएको छ । परिषद्ले उनीहरुले न्यायपालिकाको गरिमालाई उचो राख्न नसकेको भन्दै सचेत गराएको हो ।
त्यस्तै परिषद्ले सोही अदालतका तीन न्यायाधीशसँग भने सफाइको लागि लिखित स्पष्टिकरण माग गरेको छ । परिषद् बैठकले न्यायाधीशत्रय थीरबहादुर कार्की, उमेशकुमार सिंह र साधुराम सापकोटालाई सात दिन भित्र ‘के कति कारणले कारबाही नगर्नुपर्ने हो ?’ सो बारे स्पष्टीकरण दिन भनेको छ । बिहीबार÷शुक्रबार उनीहरुलाई परिषद्ले सफाइको पत्र दिने र पत्र पाएको सात दिनभित्रमा स्पष्टीकरण पेस गर्नुपर्ने परिषद्का सुचना अधिकारी टेकनाथ गौतमले जानकारी दिए । उनका अनुसार परिषद्ले न्यायाधीशहरू नागेन्द्रलाभ कर्ण र उमेशकुमार पौड्यालको उजुरी भने तामेलीमा राख्ने निर्णय गरेको छ । उजुरी तामेलीमा रहेका न्यायाधीशद्वय पौडेल र कर्णले अनुसन्धानका क्रममा उमेरहदका कारण अवकास साइसकेका छन् । पौडेलले ३ वैशाख र कर्णले २१ वैशाखमा अवकाश पाएको गौतमले जानकारी दिए । सुन तस्करीका अभियुक्त र सनम शाक्य हत्या प्रकरणसम्बन्धी मुद्दामा आदेशका क्रममा कैफियत देखिएको भन्दै परिषद्ले न्यायिक जिम्मेवारीबाट अलग गरेको थियो । उनीहरुले परिषद्मा हाजिर गर्दै आएका थिए ।
उच्च अदालतका विराटनगरका आठै जना न्यायाधीशमाथि छानबिन गर्न सर्वोच्चका न्यायाधीश ईश्वरप्रसाद खतिवडाको नेतृत्वमा गत ७ माघमा समिति गठन गरिएको थियो ।
Copyright © 2019 / 2026 - Junkirikhabar.com All rights reserved
