कञ्चनपुर — निर्मला पन्त प्रकरणमा अनुसन्धानका लागि पक्राउ गरिएका विशाल चौधरीलाई प्रहरीले यातना दिएको भन्दै जिल्ला प्रहरी कार्यालयमा जाहेरी परेको छ । विशालका बुवा वीरबहादुरले बिहीबार जिल्ला प्रहरीका तत्कालीन एसपी कुवेर कडायत र डीएसपी कृष्ण ओझासहित २ जना प्रहरी जवानविरुद्ध जाहेरी दिएका हुन् ।
१६ दिन हिरासतमा रहेका विशाललाई प्रहरीले अपराध कबुल गर्न धेरै यातना दिएको वीरबहादुरको आरोप छ । उनलाई मंसिर १९ गते पक्राउ गरी २० गते काठमाडौं पठाइएको थियो । पक्राउ परेकै दिन प्रहरीले आँखामा कालोपट्टी बाँधेर यातना दिएको विशालले बताए । ‘मेरो आँखामा कालोपट्टी बाँधेर धेरै कुटे, तेरो साथीले घटना हामीले नै गरेका हौं भनेर कबुल गरिसकेको छ, तँ पनि भन्, कसरी मार्यौ निर्मलालाई भने,’ विशालले भने, ‘त्यसपछि काठमाडौं लगेर पनि धेरै यातना दिइयो ।’
Copyright © 2019 / 2026 - Junkirikhabar.com All rights reserved
