धनकुटा — धनकुटामा पहिलो पटक प्याराग्लाइडिङ उडान बिहीबारदेखि सुरु भएको छ । बजार नजिकै रहेको चुलिबनबाट याक्चनासम्म परीक्षण उडान सफल भएको हो । कोसी एडभेन्चर प्राली इटहरी र धनकुटा नगरपालिकाको सहकार्यमा उडान थालिएको हो ।
पर्यटन प्रवर्द्धन गर्ने उद्देश्यले गरिने साहसिक खेल प्याराग्लाइडिङको लागि उपयुक्त स्थान रहेकाले यसलाई व्यावसायिक रूप दिइने कोसी एडभेन्चरका निर्देशक सुरेश बस्नेतले बताए । अघिल्लो वर्ष गरिएको प्रयास असफल भएपछि पुनः परीक्षण गरिएको हो ।
Copyright © 2019 / 2026 - Junkirikhabar.com All rights reserved
