प्रादेशिक सडक विराटचौक-घिनाघाटो निर्माण सुरु भएको छ । पूर्वका जिल्लाहरुलाई प्रदेश राजधानी विराटनगरसँग जोडने यो सडकको प्रदेश १ का मुख्यमन्त्री शेरधन राईले गत भदौमा शिलान्यास गरेका थिए ।
प्रदेश सरकारको लगानीमा दुई लेनको सडकलाई चार लनेमा विस्तार गर्न लागिएको हो ।
२२.५ किलोमिटर लम्बाईको सडकलाई चार लेन बनाउने प्रदेश सरकारको १ अर्ब ४० करोड खर्चिँदैछ । ठेकेदार कम्पनी श्रेष्ठ रमण-एपेक्स जेभीका सर्बेयर सागर राईकाअनुसार पहिलो चरणमा नाला निर्माण थालिएको छ । ‘नाला निर्माणसँगै कालोपत्रेका लागि आवश्यक पूर्वाधार निर्माण पनि भइरहेको छ’, उनले भने ।
सडकलाई ३ खण्डमा विभाजन गरिएको छ, जसमध्ये १०-१० किलोमिटरको ठेक्का सम्झौता ३१ असारमा भएको थियो । सम्झौता अनुसार आगामी २०७७ साल असार मसान्तसम्ममा सडक निर्माण सम्पन्न गरेर सरकारलाई हस्तान्तरण गर्नुपर्ने पूर्वाधार विकास कार्यालयका विराटनगरका प्रमुख सुशील श्रेष्ठले बताए ।
विस्तारपछि यो सडक वस्ती भएको क्षेत्रमा ६४ मिटर र वस्ती नभएको क्षेत्रमा ५६ मिटर हुनेछ । सडकको मध्य भागबाट ३५/३५ फिट कालोपत्रे हुनेछ ।
यो सडकलाई कोशी राजमार्गको विकल्पका रुपमा समेत हेरिएको छ । विराटचोक-घिनाघाट सडक विराटनगरको पुष्पलालचोक, बैजनाथपुर र हरैचा हुँदै महेन्ऽराजमार्गमा जोडिनेछ ।
Copyright © 2019 / 2026 - Junkirikhabar.com All rights reserved
