विराटनगर : विराट नर्सिङ होम एवं विराटनगर अस्पतालमा उपचाररत एक महिलाको मृत्यु भएपछि आफन्तले अस्पतालमा तोडफोड गर्नुका साथै दिनभर प्रदर्शन गरेका छन् ।
चिकित्सकले उपचारमा लापरवाही गरेको भन्दै उनीहरुले आन्दोलन गरेका हुन् । मोरङको उर्लाबारी नगरपालिका–५ की ३८ वर्षीय प्रिती भनिने चेलीमाया प्रसाई कोइरालाको उपचारको क्रममा मृत्यु भएको थियो । मृतकका आफन्तले शव जिम्मा लिन अस्वीकार गर्दै दिनभर प्रदर्शन गरेका हुन् । जसले गर्दा अस्पताल परिसर दिनभर तनाबग्रस्त नै बनेको थियो । प्रहरीका अनुसार ६ वटा झ्याल तोडफोड भएको छ ।
प्रदर्शनको क्रममा अस्पतालका झ्याल, ढोका, कम्प्युटर र कुर्सीमा समेत क्षति पुगेको छ ।
Copyright © 2019 / 2026 - Junkirikhabar.com All rights reserved
