यसवर्षको तिहारमा सोचेभन्दा कम विद्युत खपत भएको छ । अघिल्ला २ वर्षको तिहारको तुलनामा यसवर्ष खपत बढेर उच्च विन्दुमा पुग्ने अनुमान गरिएको भएता पनि यस वर्ष कम विद्युत खपत भएको छ ।
वर्षभर नै सबैभन्दा बढी विद्युत् खपत लक्ष्मीपूजाका दिन हुने गर्दछ । प्राधिकरणले लक्ष्मीपूजाका दिन विद्युत् माग उच्च हुने र १ हजार १ सय ९० मेगावाट विद्युत् खपत हुने अनुमान गरेको थियो । तर, वास्तविक खपत भने गत वर्षको भन्दा पनि कम देखिएको छ । गत वर्ष लक्ष्मीपूजाका दिन साँझ अधिकतम १ हजार १ सय ५ मेगावाट पुगेको विद्युत् खपत यस वर्ष भने १ हजार ८९ मेगावाट मै खुम्चिएको छ ।
२०७४ सालको तिहारका बेला देशभरको विद्युत माग १ हजार १ सय ७५ मेगावाटसम्म पुगेको थियो । तर २ वर्ष अवधिमा विद्युतमाग ८६ मेगावाटले घटेको छ । प्राधिकरणले विद्युत् माग व्यवस्थापनका लागि कुलेखानी जलाशययुक्त आयोजना पूर्ण क्षमतामा चलाउने र अपुग विद्युत भारतबाट आयात गर्ने तयारी गरेको थियो ।
Copyright © 2019 / 2026 - Junkirikhabar.com All rights reserved
