इटहरी उपमहानगरले ४१ वटा कानुन निर्माण गरेको छ । स्थानीय सरकारलाई आफ्नो कानुन आफै बनाउन पाउने संवैधानिक अधिकार अंतर्गत इटहरी उपमहानगरले कानुन निर्माण गरेको हो ।
पहिलो बर्ष कानुन अभावमा काम गर्न निक्कै गाहो परेकाले अत्यन्तै मेहनत गरेर ४१ वटा कानुन निर्माण गरिसकेको उपप्रमुख लक्ष्मी गौतमले बताएकी छन् ।
ऐन,निमावली र कार्यविधि गरेर ४१ वटा कानुन निर्माण गरेको उपमेयर गौतमले बताइन् । केही कानुनका मस्यौदा तयार भइसकेको उनले बताएकी छन् ।
कानुनकै अभावमा काम गर्न अप्ठयारो पर्ने अवस्था आउन नदिने गरि कानुन निर्माण भएको उनको दावी छ । केही पालिकाहरुले आधा दर्जन भन्दा कम मात्र कानुन बनाइरहेका बेला इटहरीले ४१ वटा कानुन बनाउनु सकारात्मक रहेको बताइएको छ ।
Copyright © 2019 / 2026 - Junkirikhabar.com All rights reserved
