इटहरी । मोरङको सुन्दरहरैचा युथ युवा समाज सामाजिक कार्यमा सकृय हुदै आएको छ । दुर्बेसनमा फसेका युवाहरुलाई समेटेर सामाजिक कार्यमा संलग्न गराउने उद्धेश्यका साथ ३ बर्ष अघि स्थापना गरिएको समाजले अहिलेसम्म धेरै कार्यक्रम आयोजना गरिसकेको छ ।
बजार सरसफाई, रक्तदान, बृक्षारोपण, मनोरञ्जनात्मक कार्यक्रमसगै बृद्धबृद्धाहरुको सम्मान समय समयमा गदै आएको छ । समाजले अब केही महिना भित्रै एम्बुलेन्स समेत खरिद गर्ने अन्तिम प्रकृयामा पुगेको छ ।
समाजका अभियान्ता दिनेश चौधरीले एम्बुलेन्स खरिद गर्न लागेको जानकारी दिए । एम्बुलेन्सले सुन्दरहरैचा नगरपालिका भित्रका बिरामीलाई समयमै अस्पताल लैजान सहज हुने चौधरी बताउछन् ।
समाजकै अर्काे अभियान्ता रिकु रानाले सुन्दरदुलारी नगरपालिका भित्र युवाहरुमा देखिएको दुर्बेसन न्यूनिकरणको लागी पनि कार्यक्रम आयोजना गर्ने बताए । स्थानिय सरकारको सहकार्यमा कुलतमा फसेका युवाहरुलाई खेलकुद, सिपमुलक तालिम तथा अन्य कार्यमा संलग्न गराउने कार्यक्रम केही दिन भित्रै आयोजना गर्न लागेको बताए ।
समाजले एक हप्तापछि सुन्दरहरैचा नगरपालिकाका बृद्धबृद्धाहरुको सम्मान गर्ने कार्यक्रम राखेको छ ।
Copyright © 2019 / 2026 - Junkirikhabar.com All rights reserved
