मोरङ प्रहरीले अटोमेटिक पेस्तोल, दुई वटा म्यागजिन र एउटा गोली सहित दुई जनालाई नियन्त्रणमा लिएको छ ।
छठ पर्वको उपलक्ष्यमा आयोजना गरिएको सांस्कृतिक कार्यक्रममा हो हल्ला गरिरहेको अवस्थामा पक्राउ समातिएका मोरङको कटहरी गाँउपालिका वडा नंं. २ का सुरज कुमार भन्ने विक्की कुमार भगतको साथ बाट पेस्तोल बरामद गरेको थियो ।
उनलाई पेस्तोल राख्न दिने धनपालथान गाँउपालिका कदमाहाका मुकेश कुमार मण्डल पनि समातिएका छन् । उनीहरुलाई मुलुकी फौजदारी अपराध ऐन बमोजिम मुद्दा चलाइएको मोरङ प्रहरीका प्रहरी उपरिक्षक विश्व अधिकारीले जानकारी दिनुभयो ।
यसैगरी दशैं, तिहार र छठपर्वको क्रममा मोरङ प्रहरीले नियन्त्रणमा लिएको करिब ५ लाख रुपैया बराबरको पटाकाहरु नष्ट गरिएको छ । पत्रकारहरुको उपस्थितिमा जिल्ला प्रहरी कार्यालय मोरङ हाता भित्र पटाका नष्ट गरिएको हो ।
Copyright © 2019 / 2026 - Junkirikhabar.com All rights reserved
