महानगरीय प्रहरी प्रभाग नागढुङ्गाले भन्सार छलेर ल्याएको कपडा बरामद गरेको छ ।
प्रभागको टोलीले नेपालगञ्जबाट काठमाडौँ आउँदै गरेको ना ६ ख ७८९२ नम्बर र ना ६ ख १२८९ नम्बरको बस चेकजाँचका क्रममा रु १० लाख ७१ हजार मूल्य बराबरका सामग्री शनिबार बिहान बरामद गरेको हो ।
महानगरीय प्रहरी वृत्त थानकोटका प्रमुख कुमारविक्रम थापाले दुईवटा बस जाँच गर्दा भन्सार छलेर ल्याएका पाँच बोरा सामान बरामद गरेको जानकारी दिए। “सामानको बिल र धनी नभएकाले हामीले सामानलाई बरामद गरेका हौँ,” उनले भने।
प्रहरीले एक हजार ४१८ थान विभिन्न रङका कुर्ता तथा टप्स, पुरुषले लगाउने कमेज ७५ थान, पेटी २४ थान, पुरुषले लगाउने कट्टु ५९ थान, ४८ मुठ्ठा जाली कपडा बरामद गरेको हो ।
वृत्तको टोलीले आवश्यक कारबाहीका लागि सामान राजस्व अनुसन्धान विभाग पठाएको छ ।
Copyright © 2019 / 2026 - Junkirikhabar.com All rights reserved
