धनकुटाको छिन्ताङ घटनाका शहीद परिवारलाई प्रति परिवार ५ लाख रुपैयाँ आर्थिक सहयोग गर्ने प्रदेश नं. १ सरकारले निर्णय गरेको छ ।
विराटनगर स्थित मुख्यमन्त्री तथा मन्त्रिपरिषद कार्यालयमा बसेको प्रदेश मन्त्रिपरिषदको बैठकले छिन्ताङ घटनाका १६ जना शहीद परिवारलाई ५/५ लाखका दरले आर्थिक सहयोग गर्ने निर्णय भएको आर्थिक मामिला तथा योजना मन्त्री इन्द्र आङ्बोले जानकारी दिनुभयो ।
०३६ सालको कात्तिक २७ गते धनकुटाको खोकु छिन्ताङ गाउँमा एक सांस्कृतिक कार्यक्रमका तत्कालीन सरकारले गोली चलाएर १६ जनाको हत्या गरेको थियो ।
यसैगरी बैठकले प्रदेश लेखा नियन्त्रकको कार्यालयको इकाई कार्यालय झापा, पाँचथर, धनकुटा, उदयपुर र ओखलढुंगामा खोल्ने निर्णय गरेको छ ।
यसैगरी धरानमा स्थापना गरिएको वन निर्देशनालयको निर्देशकमा रबीन्द्र महर्जनलाई कायममुकायम मुकरर गर्ने लगायतका निर्णय भएको मन्त्री आङ्बोले जानकारी दिनुभयो ।
Copyright © 2019 / 2026 - Junkirikhabar.com All rights reserved
