काठमाडाैँ/ उद्योग, वाणिज्य तथा आपुर्ति मन्त्री मातृका यादव र कर्मचारीका नेताबीच कुटाकुट भएको छ ।
मन्त्री मातृका यादव र सेवाग्राहीका रुपमा आएका काँग्रेस निकट नेपाल निजामति कर्मचारी युनियनका वरिष्ठ उपाध्यक्ष सुरेन्द्र अधिकारीको समूहबीच मन्लायमै कुटाकुट भएको बताइएको छ ।
अधिकारीको समूहले शुरुमा निजी सचिव प्रेम आचार्यसँग विवाद गरेका थिए । कर्मचारी नेताहरुले अश्लील गाली गर्दै हातपातमा उत्रिएको स्रोतले जनाएको छ ।
उनीहरुले काँग्रेस निकट कर्मचारी युनियनका नेता शोभाकर रेग्मीलाई उद्योग विभागमा सरुवा नगरी नेकपा निकट विनोद खड्कालाई पठाइएको भन्दै मन्त्रीमाथि समेत दुर्व्यवहार गरेकाे मन्त्रीको निजी सचिवायलयले जनाएकाे छ । कुटाकुट भने नभएकाे सचिवालयको दाबी छ ।
होहल्ला रोक्न बाहिर निस्किएका मन्त्रीमाथि हातपात प्रयास भएपछि प्रहरी बोलाएपछि लगत्तै कर्मचारी नेताहरु भागेको बताइएको छ ।
यसअघि, यादव वनमन्त्री भएका बेला ललितपुरका स्थानीय विकास अधिकारी डण्डुराज घिमिरेलाई ट्वाइलेटमा थुनेर चर्चामा आएका थिए ।
ललितपुरको सामुदायिक वनमा ढुङ्गा खानी सञ्चालन गर्न दिएको र त्यसलाई बन्द गर्न निर्देशन दिँदा नमानेको भन्दै मन्त्री यादवले स्थानीय विकास अधिकारी घिमिरेलाई शाैचालयमा थुनेका थिए।
मन्त्री यादव खरो स्वभावका व्यक्ति मानिन्छन् । कुनै कुरामा चित्त नबुझे तुरुन्तै प्रतिक्रिया जनाइहाल्ने बानी भएकाले उनी अलि रिसाहा नेता भनेर समेत चिनिन्छन् ।
स्वाभिमानमा चोट पर्ने खालका कुरा या आफूलाई डोमिनेसन फिल हुने खालका कुरा भएमा तुरुन्तै प्रतिक्रिया जनाइहाल्ने बानी भएपनि उनी मनका सफा र सोझा क्रान्तिकारी नेत भएको उनी निकटका नेताहरुले जनाउने गरेका छन् ।
Copyright © 2019 / 2025 - Junkirikhabar.com All rights reserved
