मोरङको बूढीगंगा गाउँपालिका–४ हात्तिमुडास्थित रहेको मनमोहन स्मृति पोलिटेक्निक कलेजलाई प्राविधिक विश्वविद्यालयअन्तर्गत ल्याउने तयारी भएको छ ।
प्रदेश सरकारले ल्याएको विधेयक अनुसार गत बजेट अधिवेशनबाटै पोलिटेक्निकलाई प्राविधिक विश्वविद्यालय बनाउने निर्णय पारित गरिएको हो ।
संखुवासभामा सोमबार बिहान आयोजित पत्रकार भेटघाट कार्यक्रममा सामाजिक विकासमन्त्री जीवन घिमिरेले मंसिर ६ गते पोलिटेक्निकलाई विश्वविद्यालयलाई हस्तान्तरण गरिने बताएका छन् ।
नेपाल सरकारको ६० प्रतिशत बढी अनुदान सहयोगमा सञ्चालन गरिएको पोलिटेक्निक कलेजलाई विश्वविद्यालयको स्वरूपमा रूपान्तरण गर्ने तयारी सुरु भर्ईरहेको छ । विश्वविद्यालय ऐनको दफा ५२ को उपदफा (३) को (१) मा हस्तान्तरणको सम्झौता विश्वविद्यालयको सहकुलपति र पोलिटेक्निकका तर्फबाट कार्यकारिणी समितिका अध्यक्षले गर्ने व्यवस्था उल्लेख भएको छ ।
विश्वविद्यालयको सहकुलपति प्रदेशको शिक्षासम्बन्धी कार्य हेर्ने मन्त्री हुने ऐनको दफा २७ मा व्यवस्था रहेको छ । मनमोहन प्राविधिक विश्वविद्यालय ऐनको दफा ५२ मा विश्वविद्यालय र मनमोहन स्मृति पोलिटेक्निकबीच सम्झौता गरी सोहीबमोजिम पोलिटेक्निकले आफ्नो चल, अचल सम्पत्ति र दायित्व विश्वविद्यालयलाई हस्तान्तरण गर्नुपर्ने व्यवस्था छ ।
Copyright © 2019 / 2026 - Junkirikhabar.com All rights reserved
