विराटनगरका उद्योगी व्यवसायीले विशेष आर्थिक क्षेत्र (सेज) स्थापनाको माग राखेका छन्। उद्योग बाणिज्य तथा आपूर्ति राज्यमन्त्री मोतिलाल दुगडको स्वागत गर्दै विराटनगरका उद्योगी व्यवसायीले सेज स्थापनाको माग गरेका हुन्।
मोरङ व्यापार संघ र उद्योग संगठन मोरङले शनिबार विराटनगरमा आयोजना गरेको स्वागत कार्यक्रममा उद्योगी व्यवसायीले सेज निर्माण गरी नयाँ उद्योग स्थापनामा भूमिका खेल्न आग्रह गरेका हुन्।
मोरङ व्यापार संघका अध्यक्ष प्रकाश मुण्दडाले दुगडको नियुक्तीले उद्योग व्यवसाय क्षेत्रले कोल्टे फेर्ने अपेक्षा गरिएको बताए। उनले पूर्व क्षेत्रको औद्योगिक विकासका लागि विशेष आर्थिक क्षेत्र निर्माणमा भूमिका खेल्न आग्रह गरे।
सुनसरीको अमरडुवा स्थित साल्टट्रेडिङकको ६ सय ५० विघा जमिनमा विशेष आर्थिक क्षेत्र स्थापना गरी नयाँ उद्योग स्थापनामा भूमिका खेल्न दुगडलाई आग्रह गरे।
Copyright © 2019 / 2026 - Junkirikhabar.com All rights reserved
