धरान उप-महानगरपालिकाको प्रमुख पदको मतगणनामा नेपाली काँग्रेसका उम्मेदवार तिलक राईले आफ्नो अग्रता कायमै राखेका छन । २० वटा वडा रहेको धरानमा वडा नम्बर १४ र १६ देखि वडा नम्बर २० सम्मको मतगणना सम्पन्न हुँदा काँग्रेस उम्मेदवार राईले नेकपाका उम्मेदवार प्रकाश राईलाई ७४५ मतले पछि पारेका छन ।
नेपाली काँग्रेसका उम्मेदवार तिलक राईले ७९१५ मत प्राप्त गर्दा नेकपाका उम्मेदवार प्रकाश राईले ७१७० मत प्राप्त गरेका छन । यसअघिको स्थानीय तहको निर्वाचनमा एमालेले जितेका वडामा समेत काँग्रेसले अग्रता बनाएको छ । अहिले धरानको वडा नम्बर १५ को मतगणना भइरहेको निर्वाचन आयोगले जनाएको छ ।
अहिलेसम्म वडा नं २०, १९, १८, १७ र १६ वडाको मतगणना सम्पन्न भइसकेको छ ।अहिलेसम्म मतगणना सकिएको वडाहरुमध्ये २०७४ को स्थानीयतह निर्वाचनमा १८ वडा मात्र कांग्रेसले जितेको वडा हो । अहिलेको मतपरिणाम अनुसार नेकपाको गढमा कांग्रेसले अग्रता लिएको छ ।
Copyright © 2019 / 2026 - Junkirikhabar.com All rights reserved
