ठूला करदाता कार्यालयले चालू आर्थिक वर्षको पहिलो चौमासिकमा लक्ष्यभन्दा ९ अर्ब रुपैयाँ कम राजश्व संकलन गरेको छ ।
साउनदेखि कात्र्तिक मसान्तसम्म ४७ अर्ब रुपैयाँ राजश्व संकलन गर्ने लक्ष्य लिएकोमा ३८ अर्ब रुपैयाँ संकलन भएको हो । यद्यपी, गत आर्थिक वर्षको सोही अवधिमा भन्दा १४ दशमलव २९ प्रतिशत बढी कर संकलन भएको कार्यालयले जनाएको छ ।
चालू आर्थिक वर्षमा २ खर्ब ३४ अर्ब रुपैयाँ कर संकलन गर्ने लक्ष्य ठूला करदाता कार्यलयलाई दिएको छ । जसमध्ये कार्तिक मसान्त सम्म ३८ अर्ब रुपैयाँ कर संकलन गरेको छ ।
पहिलो चैमासिक अवधिको लक्ष्यभन्दा ९ अर्ब रुपैयाँले कम संकलन भएपनि गत आर्थिक वर्ष २०७५÷०७६ को सोही अवधिमा भन्दा ५ अर्ब रुपैयाँले बढी कर संकलन भएको छ ।
पहिलो चैमासिक अवधिमा आयाकर तर्फ १५ अर्ब रुपैयाँ संकलन भएको छ । जुन लक्ष्यको तुलनामा ९० दशमलव ५ प्रतिशत संकलन भएको छ । यो वार्षिक लक्ष्यको १० दशमलव ४१ प्रतिशत हो ।
Copyright © 2019 / 2026 - Junkirikhabar.com All rights reserved
