मोरङमा टिपरले ठक्कर दिँदा चार वर्षीया बालिकाको ज्यान गएको छ। प्रहरीका अनुसार मोरङको उर्लाबारी दक्षिण सडकखण्डमा टिपरको ठक्करले उर्लाबारी नगरपालिका-५ डुम्राहाकी चार वर्षीया राधिका मण्डलको मृत्यु भएको हो।
ना८ख ७०५३ नम्बरको टिपरले ठक्कर दिँदा मंगलबार दिउँसो उनको घटनास्थलमै मृत्यु भएको प्रहरीले जनाएको छ। सडकमा पैदल हिँडिरहेकी बालिकालाई दक्षिणतर्फ जाँदै गरेको टिपरले ठक्कर दिएको थियो।
प्रहरीले चालक रतुवामाई नगरपालिका-५ का आशिष कठेत र टिपरलाई नियन्त्रणमा लिएको छ।
Copyright © 2019 / 2026 - Junkirikhabar.com All rights reserved
