सुनसरीको रामधुनी ७ स्थित राष्ट्रिय सम्मानित इमानसिंह चेम्जोङ स्मृति प्रतिष्ठान पार्क (रास ताल) मा बहुजातिय साँस्कृतिक मेला लाग्ने भएको छ । आइतबार पत्रकार सम्मेलनको आयोजना गरी मसिंर २३ गतेदेखि २६ गतेसम्म बहुजातिय साँस्कृतिक मेला लाग्ने जानकारी दिइएको छ ।
सुनसरी सामुदायिक वन क्षेत्र भित्रको ईमानसिंह चेम्जोङ पर्यटकिय साँस्कृतिक प्रतिष्ठानको आयोजनामा सोमबारदेखि मेला आयोजना हुन लागेको हो ।
आउदै गरेको उधौली पर्वलाई बिशेष रुपमा मनाउने गरी २५ र २६ गते १० जातिय समूहको साँस्कृति झल्ने कार्यक्रम आयोजना गरिएको बताइएको छ ।
जसमा पश्चिमको डेउडा नाच, राउटे र चेपाङ देखि शेर्पा, लामा, राई, भुजेल, लिम्बु, थारु, धिमाल, सन्थाल र खस ब्रमाण्ड लगायतका बहुजातियको नाच र साँस्कृति मेलामा प्रर्दशन हुने प्रतिष्ठानका उपाध्यक्ष शशी राईले जानकारी दिए । २०६० सालदेखि प्रत्येक बर्षको उधौली र उभौली पर्वको अवसरमा रास तालमा साँस्कृतिक मेला आयोजना भइरहेको समेत उनले बताए ।
पर्यटन बर्ष २०२० लाई समेत लक्षित गरी नेपालमै पहिलो पटक बहुजातिय साँस्कृतिक मेला आयोजना गर्न लागेको राईले बताए ।
मेलाको करिब १० हजार बढीले अबलोकन गर्ने आयोजकले अपेक्षा गरेको छ । मेलामा जातिय साँस्कृति तथा भेषभुसाका बारेमा पनि मेला अवलोकनकर्ताहरुलाई जानकारी दिने कार्यक्रम रहेको पत्रकार सम्मेलनमा जानकारी दिइयो ।
मेलालाई थप आकर्षत गर्नको लागी २६ गते लोकप्रिय गायिका मेलिना राईको समेत प्रस्तुति रहने बताइएको छ । १ नं. प्रदेशका साँस्कृतिक तथा पर्यटन मन्त्रि जगदिश कुशियतले मेलाको उदघाटन गर्ने छन् ।
Copyright © 2019 / 2026 - Junkirikhabar.com All rights reserved
