इटहरीमा महिला उद्यमशील मेलाको तयारी पूरा भएको छ ।
नेपाल उद्यमशील महिला महासंघले बिहीबार इटहरीमा पत्रकार सम्मेलन गर्दै यहि २८ गतेबाट पुष ६ गते सम्म मेला लाग्ने जानकारी दिएको हो । नेपाल उद्यमशील महिला महासंघकी अध्यक्ष देविका बुढाथोकीका अनुसार मेलामा एक सय वटा स्टल राखिनेछ । करीब ४० लाखको लागतमा सम्पन्न हुने उक्त मेलामा २ करोड भन्दा बढी कारोबार हुने बताईएको छ ।
महिला उद्यमी मेला इटहरीमा दोस्रो पटक हुन लागेको हो । मेलामा ४४ जिल्लाका उद्यमी महिलाहरुको स्टल रहने आयोजकले बताएको छ ।
स्टलमा महिलाहरुले बनाएका हस्तकालाका समान साथै खाध्यान्न गुन्द्रुक , साथु, मस्यौरा,अचार लगायतका सामानहरु राखिने अध्यक्ष बुढाथोकीले बताएकी छन् । उनले स्थानिय उत्पादन लाई प्रथमीकतामा राखीने बताईन् ।
बुढाथोकीले ८५ वटा स्टल बुकिंग भई सकेको र अन्य महिला उद्यमीहरुले सम्मकृ गरीराख्नु भएको जानकरी गराएकी छन् । उनले मेलामा करिब दुई करोडको भन्दा बढिको कारोबार हुने अपेक्षा लिएको जानकारी गराएकी छन् । मेला ९ दिन सम्म इटहरीमा रहेको नेपाल टेलिकमको कार्यालय छेउमा लाग्ने आयोजकले बताएको छ । दैनिक स्थानीय तथा राष्ट्रीय कलाकारहरुको प्रस्तुती पनि रहने आयोजकले जानकारी दिएको छ ।
Copyright © 2019 / 2026 - Junkirikhabar.com All rights reserved
