सुनसरी, झापा, मोरङ, इलाम र पाँचथरका मानिसहरुबाट करोडौं रकम ठगी गरेका दोलखाका दिनेश कोइराला पक्राउ परेका छन् ।
मोरङको कानेपोखरीबाट ठगी धन्दा सुरु गरेका कोइरालाले पूर्वका सुनसरी, झापा, मोरङ, इलाम र पाँचथरका मानिसहरुबाट करोडौं ठगेको पाइएको छ। कानेपोखरीका उमेश घले गुरुङलाई उनकै जग्गामा कृषि फर्म खोल्ने भन्दै कोइरालाले डेढ करोड रुपैयाँ ठगी गरेका थिए । कोइरालाको अवैध सम्पत्ति एक अर्बभन्दा बढी रहेको प्रहरीको अनुमान छ।
कोइरालाले ६ वर्षअघि इटहरीकी लक्ष्मी भट्टराईलाई आमा बनाएका थिए । बेलाबेला भेट्न पुग्ने उनले भट्टराईलाई महँगो गिफ्टसमेत पुर्याउँथे। प्रशस्त जग्गा–जमिन र राम्रै घर भएकी भट्टराईको घरजग्गा धितो राखेर कोइरालाले ५० लाख रुपैयाँ झिके। त्यसपछि उनी सम्पर्क बिहिन भए ।
कोइरालाले ललितपुरस्थित फिरोज बाराही सहकारीलाई डुबाएका छन् । जग्गा–जमिन र गाडी सहकारीमा राखेर पटक–पटक गरी १० करोड रुपैयाँ कर्जा लिएका कोइराला किस्ता तिर्नै गएनन्। सहकारी सञ्चालकले अहिले प्रहरीमा उजुरी दिएका छन् ।
Copyright © 2019 / 2026 - Junkirikhabar.com All rights reserved
