विराटनगर विमानस्थल विस्तारको काम अघि बढाउन संघीय सरकारले बजेट विनियोजन गरेको छ । विमानस्थल विस्तारका लागि जग्गा अधिग्रहणको काम अघि बढाउन नागरिक उड्यन प्राधिकरणले तत्काल एक करोड बजेट बिनियोजन गरेको हो ।
चालु आर्थिक वर्षभित्र खर्च गर्नु पर्ने भनी विनियोजन भएको बजेटबाट विमानस्थल विस्तार गर्न आवश्यक पर्ने जग्गाको अधिग्रहण गर्न नागरिक उड्यन कार्यालय विराटनगरलाई भनिएको छ ।
तर मास्टर प्लानबिना आएको न्यून बजेटले काम अघि बढाउन नसकिने नागरिक उड्डयन विराटनगर कार्यालयले जनाएको छ ।
विमानस्थलका लागि आवश्यक जग्गा अधिग्रहणका लागि मात्र ३ अर्ब भन्दा बढी लाग्ने अनुमान गरिएको छ । एक हजार पाँच सय मिटरमा रहेको विमानस्थलको लम्बाई एक हजार मिटर बढाउने गरी डीपीआर तयार भएको छ । थप विस्तारका लागि एकसय ५० विगाहा जग्गा अधिग्रहण गर्नुपर्ने बताइएको छ ।
Copyright © 2019 / 2026 - Junkirikhabar.com All rights reserved
