उख पीडित किसनाहरु आन्दोलित भइरहको वेला सुनसरी र मोरङका उखु किसानहरु पलायन हुने अवस्थामा पुगेका छन् ।
सरकारले दिने अनुदान रकमबाट किसानहरु बञ्चित भएपछि किसानहरुको अवस्था अहिले दहनीय वन्न थालेको हो । नयाँ उखुको कटान सुरु भएको ततर पनि किसानहरुे भने अघिल्लो वर्षकै अनुदान पाएका छैनन् ।उखु किसानलाई गत वर्ष सरकारले प्रतिक्वीन्टल ६५।२८ रुपैयाँ अनुदान दिने निर्णय गरेको थियो । तर सुनसरी मोरङका किसानले ४४।८७ रुपैयाँ मात्र अनुदान पाए । सरकारबाट २० रुपैयाँ ४१ पैसा अझै पाएका छैनन् । ‘सरकारले दिने भनेको अनुदानको एक किस्ता छठ पछि पायौं,उखु किसान सत्यजीवन चौधरी भन्छन्,‘यो वर्ष मिलले समयमा नै पैसा दियो । तर सरकाले दिने भनेको अनुदान अझै बाँकी छ ।’
उखु किसानका लागि सरकारले चाडवाड सकिएपछि ४४ रुपैयाँका दरले रकम पठाएको थियो । तर उखु काट्नका लागि नयाँ पूर्जी जारी भएपनि सरकारले दिने अनुदान नपाएको विराटनगर–६ का उखु किसान भागवत चौधरी बताउँछन् ।सर्लाही र महोत्तरीका उखु किसान एक वर्षसम्म उखुको भुक्तानी नपाएपछि आन्दोलन गर्दै काठमाडौं पुगे । किसानको आन्दोलनपछि सरकारले मिल सञ्चालकलाई तत्काल भुक्तानी दिन निर्देशन दियो ।
मोरङ सुनसरीका उखु किसानले सरकारले दिने भनेको अनुदान नपाए आन्दोलन गर्ने चेतावनी दिएका छन् ।
Copyright © 2019 / 2026 - Junkirikhabar.com All rights reserved
